Tomus paslynyň dowam edýän günlerinde çagalar wagtlaryny şadyýan geçirip, olaryň her güni ýatda galyjy wakalara beslenýär. Golaýda, Türkmenistanyň Magtymguly adyndaky Ýaşlar guramasynyň Daşoguz welaýatynyň Şabat etrap Geňeşi tomusky dynç alyş möwsüminde çagalaryň dynç alşyny gyzykly, täsirli we şadyýan geçirmeklerini gazanmak maksady bilen, «Bagtyýar nesil» çagalar dynç alyş merkezinde dynç alýan çagalaryň gatnaşmaklarynda, Daşoguz welaýatynyň Taryhy we ülkäni öwreniş muzeýinde «Milli medeniýetim — buýsanjym» atly gezelenç çäresini gurady. Gezelenç çäresine gatnaşan çagalar muzeýe aýlanyp, ol ýerdäki baý taryhy gymmatlyklarymyz we olar hakyndaky gyzykly maglumatlar bilen tanyşdylar. Muzeýiň hünärmenleri gezelenje gatnaşan çagalara täsirli gürrüňler berdiler. Ata-babalarymyzyň baý mirasyny açyp görkezýän gymmatlyklar ýaş nesillerimizde ýakymly täsirleri döredip, şöhratly geçmişimize, bagtyýar şu günümize bolan buýsanjyny, eziz Watanymyza bolan beýik söýgüsini artdyrdy.
Şeker HAÝTANOWA,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Şabat etrap Geňeşiniň guramaçylyk bölüminiň
sanly ulgam boýunça esasy hünärmeni.
