Berkarar döwletiň täze eýýamynyň Galkynyşy döwründe hormatly Prezidentimiziň parasatly ýolbaşçylygynda ýurdumyzda halkara hyzmatdaşlyk, hoşniýetli goňşuçylyk, ynsanperwer, dostana gatnaşyklar ösüşlere beslenýär. Türkmen halkynyň Milli Lideri Gahryman Arkadagymyzyň başlan işlerini üstünlikli dowam etdirýän Arkadagly Serdarymyz Özbegistan Respublikasy bilen halkara gatnaşyklary üstünlikli durmuşa geçirýär. Elbetde, häzirki döwürde Özbegistan Respublikasy okgunly ösýän hem-de ählumumy parahatçylygyň durnukly ösüşiň üpjün edilmegine ägirt uly goşant goşýan ýurtdyr. Şunuň bilen baglylykda Türkmenistan bilen Özbegistanyň arasynda netijeli syýasy diplomatik gatnaşyklar saklanylýar.
Türkmenistanyň Prezidentiniň Halkara hyzmatdaşlygy üstünlikli durmuşa geçirmek boýunça ulag diplomatiýasyny 2022-2025-nji ýyllar üçin Maksatnamasyna laýyklykda ýurdumyzyň ulag görnüşleriniň ählisiniň infrastrukturasynyň maddy-tehniki binýadynyň toplumlaýyn döwrebaplaşmagy ugrunda strategik ugurlary amala aşyrylýar. Ulag ulgamy ýurdumyzyň durnukly we howpsuz ulag meselesi boýunça halkara hyzmatdaşlygy ösdürmek we pugtalandyrmak durnukly we ynamly halkara ulag daşamalaryny üpjün etmek meselelerine köptaraplaýyn başlangyç bolup durýar.
Türkmenistanyň we Özbegistanyň ministrlikleriniň pudaklaýyn dolandyryş edaralarynyň arasynda yzygiderli netijeli gatnaşyklar ýola goýulýar. Serhetýaka sebitleriň arasynda hyzmatdaşlyk barha işjeňleşdirilýär. Şunuň bilen baglylykda hem ikitaraplaýyn gatnaşyklar oba hojalygy, elektroenergetika, nebit-gaz toplumy, himiýa senagaty we beýleki pudaklarda syýasy diplomatik gatnaşyklar işjeň dowam etdirilýär. Elbetde hemmämiziň bilşimiz ýaly türkmen halkynyň Milli Lideri Gahryman Arkadagymyzyň, Arkadagly Serdarymyzyň başda durmaklarynda milli medeniýetimize, däp-dessurlarymyza, edim-gylymlarymyza uly hormat goýulýar. Has takygy, Özbegistan Respublikasynyň Daşkent şäherinde, Aşgabat şäherinde Daşkent seýilgähiniň gurulmagy hoşniýetli goňşuçylyk gatnaşyklarynyň ösýändiginiň aýdyň subutnamasy bolup durýar. Ýurdumyzy ösdürmekde alyp barýan beýik tutumlary, şeýle-de ata watanymyz Türkmenistanyň halkara abraýyny belende götermekde durmuşa geçirýän ägirt uly işleri üçin türkmen halkynyň Milli Lideri Gahryman Arkadagymyzyň, Arkadagly Serdarymyzyň janlary sag, ömürleri uzak bolsun.
G.ABDYLWELIÝEW,
TMÝG-niň Türkmenbaşy şäher Geňeşiniň
Guramaçylyk bölüminiň müdiri.
