Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy şäher Geňeşi tarapyndan «Daýanç» çagalar sagaldyş we dynç alyş merkezinde dynç alýan çagalaryň arasynda gojaman Hazaryň kenarynda «Zemine ýaň salsyn, çaga gülküsi» atly batbörek uçurmak, çägeden şekil ýasamak boýunça bäsleşik geçirildi. Täsirli geçen bäsleşikde çagalar uly höwes bilen batbörekleri uçuryp, çägeden dürli görnüşli şekilleri ýasap özleriniň wagtlaryny gyzykly geçirdiler. Bäsleşige gatnaşanlara hem-de ýeňiji bolanlara TMÝG-niň Balkan welaýatynyň Türkmenbaşy şäher Geňeşi tarapyndan ýadygärlik sowgatlar gowşuryldy.
Maýagül GARAJAÝEWA,
TMÝG-niň Türkmenbaşy şäher Geňeşiniň
sanly ulgam boýunça esasy hünärmeni.
