Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Boldumsaz etrap Geňeşi, etrabyň Gubadag şäher medeniýet merkeziniň, şäher kitaphanasynyň, oba medeniýet öýleriniň işgärleriniň gatnaşmagynda, “Milli miras – nesillere görelde” atly şygar astynda söhbetdeşlik çäresini geçirdi. Söhbetdeşlikde çykyş edenler Berkarar döwletiň täze eýýamynyň Galkynyşy döwründe amala aşyrylýan her bir tutumly başlangyçlarda türkmen halkynyň Milli Lideri Gahryman Arkadagymyz tarapyndan başy başlanyp, Arkadagly Gahryman Serdarymyz tarapyndan mynasyp dowam etdirilýän halkymyzyň, aýratyn-da, ýaş nesillerimiziň asuda, abadan, parahat durmuşda ýaşamagy baradaky durýan belent maksatlar, umumybilim berýän orta mekdeplerde, mekdepden daşary bilim edaralarynda hereket edýän haly gurnaklary, bu ugurda geçirilýän ýörite bäsleşikler, ýaşlarda zähmetsöýerligi, ahlak gözelligini, türkmen gyzlaryna mahsus bolan asylly gylyk-häsiýetleri terbiýelemek, olaryň ene-mamalarymyzdan miras galan däp-dessurlarymyza sarpa goýmagyny gazanmak, waspy dünýä ýaň salan gadymy haly nagyşlarymyzyň inçe syrlaryny nesilden-nesle geçirmek, gelin-gyzlaryň haly sungatyna bolan höwesini artdyrmak, işjeňligini ýokarlandyrmak, ukyp-başarnygyny we zehinini açyp görkezmek, çeper elli halyçy gyzlary ýüze çykarmak maksatly durmuşa geçirilýän taryhy işler barada uly buýsanç bilen söhbet etdiler.
Söhbetdeşlige gatnaşanlar halkymyzyň geçmiş taryhyny çuňňur öwrenmekde döredilýän mümkinçilikler üçin türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli alyp barýan işleriniň mundan beýläk-de rowaç almagyny arzuw etdiler.
Ogulnabat KALANDAROWA,
TMÝG-niň Daşoguz welaýatynyň
Boldumsaz etrap Geňeşiniň esasy hünärmeni.
