Berkarar döwletiň täze eýýamynyň Galkynyşy döwründe milli medeniýetimizi, sungatymyzy ösdürmekde giň gerimli işler durmuşa geçirilýär. Mähriban Watanymyzda giňden bellenilýän şanly seneler, milli baýramçylyklar, geçirilýän halkara çäreler medeniýetimiziň gülläp ösmeginiň aýdyň subutnamasydyr.
Ýakynda Türkmenbaşy etrap medeniýet öýünde Türkmenistanyň Magtymguly adyndaky Ýaşlar Guramasynyň Türkmenbaşy etrap Geňeşi jemgyýetçilik guramalary bilen bilelikde edara-kärhanalarymyzda zähmet çekýän ýaşlaryň gatnaşmagynda aýdym-sazly baýramçylyk çäresini geçirdi. Dabarada medeniýet we sungat işgärleriniň ýerine ýetiren çykyşlarynyň her birinde eziz Watanymyzyň ösüşleriniň waspy hem-de Gahryman Arkadagymyza, Arkadagly Gahryman Serdarymyza alkyşlar belentden belent ýaňlandy. Çäräniň dowamynda medeniýet we sungat işgärlerine TMÝG-niň Türkmenbaşy etrap Geňeşiniň adyndan ýadygärlik sowgatlary gowşuryldy.
Gülbagt PÜRÇIKOWA,
TMÝG-nyň Balkan welaýatynyň Türkmenbaşy etrap Geňeşiniň
Guramaçylyk bölüminiň sanly ulgam boýunça esasy hünärmeni.
