Golaýda Balkan welaýatynyň Balkanabat şäheriniň welaýat kitaphanasynda Türkmenistanyň Magtymguly adyndaky Ýaşlar guramasynyň Balkan welaýat Geňeşiniň gurnamagynda «Okgunly ösüşleriň berk binýady» atly «tegelek stoluň» başyndaky söhbetdeşlik duşuşygy geçirildi. Türkmenistanyň Halk Maslahatynyň agzalarynyň, Mejlisiň deputatlarynyň, TMÝG-niň Balkan welaýat Geňeşiniň wekilleri gatnaşdylar. Söhbetdeşlik duşuşygynda Halk Maslahatynyň ähmiýeti, Arkadagly Gahryman Serdarymyzyň döwlet syýasatynyň ileri tutulýan ugurlary, Türkmenistanyň Mejlisiniň 7-nji çagyrylyşynyň 6-njy maslahatynda kabul edilen ýurdumyzyň kanunçylyk-hukuk binýadyny döwrebaplaşdyrmak boýunça toplumlaýyn maksatnama laýyklykda işlenip taýýarlanylan kanunlardan gelip çykýan wezipeler dogrusynda gürrüňler edildi.
Guwanç ÇENDIROW,
TMÝG-niň Balkan welaýat
geňeşiniň başlygy, Mejlisiň deputaty.
