Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy şäher Geňeşi tarapyndan, tomusky dynç alyş möwsüminde Awazadaky «Balkan» çagalar sagaldyş we dynç alyş merkezinde dynç alýan çagalaryň arasynda «Sagdyn nesil – bagtyýar geljek» atly şygar bilen sportuň şaşka görnüşi boýunça bäsleşik geçirildi.
Bäsleşik örän gyzgalaňly we şowhunly geçdi. Bäsleşigiň ahyrynda işjeň gatnaşan we ýeňiji bolan körpejelere TMÝG-niň Balkan welaýatynyň Türkmenbaşy şäher Geňeşi tarapyndan ýadygärlik sowgatlary gowşuryldy.
Maýagül GARAJAÝEWA,
TMÝG-niň Türkmenbaşy şäher Geňeşiniň
Sanly ulgam boýunça esasy hünärmeni.
