Ýaňy-ýakynda «Lebap» ulular we çagalar sagaldyş we dynç alyş merkezinde Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy şäher Geňeşi tarapyndan tomusky dynç alyş möwsüminde dynç alýan çagalaryň arasynda «Seýrana gel, Pyragy!» ady bilen goşgy aýtmak boýunça bäsleşik geçirildi. Berlen şertlere görä çagalar akyldar şahyrymyz Magtymguly Pyragynyň goşgylaryny labyzly okamak, ýatdan aýtmak we şahyryň döredijiligine bagyşlap öz düzen goşgularyny ýerine ýetirmek boýunça özara bäsleşdiler. Bäsleşigiň ahyrynda işjeň gatnaşan we ýeňiji bolan çagalara TMÝG-niň Balkan welaýatynyň Türkmenbaşy şäher Geňeşi tarapyndan ýadygärlik sowgatlary gowşuryldy.
Maýagül GARAJAÝEWA,
TMÝG-niň Balkan welaýatynyň
Türkmenbaşy şäher Geňeşiniň
sanly ulgam boýunça esasy hünärmeni.
