Ýaňy-ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Bereket etrap Geňeşi, etrap bilim bölümi, etrap polisiýa bölümi, etrap jemgyýetçilik guramalary bilelikde bilim ulgamynda zähmet çekýän ýaşlaryň arasynda etrabyň 20-nji orta mekdebinde «Sagdyn jemgyýet – berkarar döwlet» atly şygar bilen wagyz-nesihat duşuşygyny geçirdiler.
Duşuşykda ýaşlarda sagdyn durmuş ýörelgelerini kemala getirmek, watansöýüjiligi, ynsanperwerligi, zähmete söýgüni terbiýelemek, edep-ekramly, ahlak taýdan arassa, zyýanly endiklerden daşda durmaklaryny gazanmak hem-de ylym-bilim ulgamyny kämilleşdirmek barada täsirli çykyşlar edildi.
Duşuşygyň ahyrynda çykyş edenler türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli, umumadamzat ähmiýetli alyp barýan işleriniň rowaçlyklara beslenmegini tüýs ýürekden arzuw etdiler.
Döwrandurdy ORAZDURDYÝEW,
TMÝG-niň Balkan welaýatynyň
Bereket etrap Geňeşiniň başlygy.
