Ýakynda, Aşgabat şäheriniň Büzmeýin etrap häkimligi, Türkmenistanyň Magtymguly adyndaky Ýaşlar guramasynyň Aşgabat şäheriniň Büzmeýin etrap Geňeşi hem-de Türkmenistanyň Demokratik partiýasynyň Büzmeýin etrap komiteti bilelikde gurnamagynda Halkara Bitaraplyk güni mynasybetli Aşgabat şäheriniň Büzmeýin etrabynyň “Ahal” toý mekanynda “Bitaraplyk-geljege ynamyň sarsmaz binýady!” atly aýdym-sazly baýramçylyk dabarasy ýokary guramaçylykly geçirildi. Baýramçylyk dabarasy, Garaşsyz Watanymyza Bitaraplyk derejesiniň berilmegi ýurdumyzyň ählumumy abadançylygyň, gülläp ösüşiň bähbidine gönükdirilen parahatçylyk, hoşniýetli goňşuçylyk we halkara hyzmatdaşlyk syýasatyna üýtgewsiz ygrarlydygyny aňladýan ähmiýetli wakalaryň birine öwrüldi. Dabara zehinli aýdymçylaryň, tans toparlarynyň we orkestr toparlarynyň işjeň gatnaşmaklary ählumumy ruhubelentlik ýagdaýy emele getirdi. Baýramçylyk dabarasynda köpöwüşginli aýdym-sazly çykyşlar yzygiderli dowam etdi. Onda Garaşsyz Bitarap döwletimiziň geljegi hasaplanylýan ýaşajyk artistleriň çykyşlaryna aýratyn ähmiýet berildi. Aýdym-sazly baýramçylyk dabarasynyň ahyrynda oňa gatnaşanlar halkymyzy eşretli durmuşda ýaşadýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, halk bähbitli, umumadamzat ähmiýetli beýik işleriniň rowaçlyklara beslenmegini arzuw etdiler!
Aýnagözel ORAZDURDYÝEWA,
TMÝG-niň Aşgabat şäheriniň Büzmeýin etrap
Geňeşiniň Guramaçylyk bölüminiň esasy hünärmeni.
