Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Esenguly etrap Geňeşiniň etrap bilim bölümi bilen bilelikde guramagynda 2–nji bakja-bagyny tamamlaýan uçurym körpeleriň gatnaşmagynda «Hoş gal, çagalar bagym!» ady bilen aýdym–sazly çäre geçirildi.
Şatlyk-şowhuna beslenen bu çärä çagalar baglarynyň ýolbaşçylary, terbiýeçileri, täze okuw ýylynda ak mekdepleriň bosagasyndan ätlejek körpeler, olaryň ata-eneleri we jemgyýetçilik guramalaryň wekilleri gatnaşdylar. Bagtyýar körpeleriň owazlary parahatçylygyň, abadan durmuşyň we altyn geljegiň owazy bolup ýaňlandy.
Çäräniň ahyrynda oňa gatnaşanlar körpeje nesillere ak ýol arzuw edip, bagtyýar nesilleriň ýagty geljegi ugrunda irginsiz zähmet çekýän Gahryman Arkadagymyzyň, Arkadagly Gahryman Serdarymyzyň adyna çäksiz alkyş sözlerini beýan etdiler.
Alfiýa ŞEMMIÝEWA,
Türkmenistanyň Magtymguly adyndaky
Ýaşlar guramasynyň Balkan welaýatynyň
Esenguly etrap Geňeşiniň sanly ulgam
boýunça esasy hünärmeni.
