SPORT RUHUBELENTLIKDIR

Sport — bu sag­dyn­lyk­dyr, gözellikdir. Her bir ynsan sagdyn durmuş ýörelgesine eýermelidir. Ine, şonda, ýurdumyzyň hemmetaraplaýyn ösüşi has hem öňe gider. Gahryman Arkadagymyz bu düşünjeleri türkmen halkynyň kalbyna çuňňur siňdirdi. «Türkmenistan — sag­dyn­ly­gyň we bag­ty­ýarlygyň ýurdy» diýen jümle bu günki gün biziň durmuşymyza yk­jam or­naş­dy. Hä­zir­ki wagt­da be­den­ter­bi­ýä­ni we spor­ty ös­dürmek babatdaky tagallalar aýratyn orun eýe­le­ýär. Mu­nuň özi bolsa, Garaşsyz Diýarymyzda «Türk­me­nis­tan­da be­den­ter­bi­ýäni we sporty goldamagyň hemde ös­dür­me­giň 2011 — 2020-nji ýyllar üçin Milli maksatnamasy­nyň» çäk­le­rin­de amal edilýän­di­gi­niň aý­dyň su­but­na­ma­sydyr. Hormatly Prezidentimiziň Wa­ta­ny­myz­da sag­dyn dur­muş ýörelgesini gündelik hemrasyna öwren ruhubelent, sagdyn nesli kemala getirmek baradaky alada­la­ry çäk­siz­dir. Ila­tyň sag­lyk hal-ýagdaýyny gowulandyrmak maksady bilen Diýarymyzyň bejeriş we dynç alyş şypahanala­ry­nyň dur­ky tä­ze­le­nip ula­nylmaga berildi. Munuň özi bolsa ýurdumyzda oňaýly we amatly dynç almaga mümkinçilik berýär. Sport — bu ru­hu­be­lent­likdir. Nesil terbiýesinde sportuň or­ny örän ulu­dyr. Çün­ki sag­dyn ne­sil ata Wa­ta­ny­my­zyň röw­şen geljegidir.

Hormatly Prezidentimiziň yg­lan eden «Türk­me­nis­tan — ro­waç­ly­gyň Wa­ta­ny» ýy­ly­nyň aprel aýynda hem dürli köpçülikleýin bedenterbiýe we sport çä­re­le­ri my­na­syp orun alýar. El­bet­de äh­li ýer­ler­de bolşy ýaly, biziň ýokary okuw mekdebimizde talyp ýaşlar üçin ýörite meýilnama boýunça sport çä­re­le­ri, sport oýun­la­ry, bäs­leşikleri, wagyz-nesihat duşuşyklary, önümçilik maşklary amala aşyrylýar. Ýaşlar üçin niýetlenen bu işleri talabalaýyk alyp barmakda ösen tehnologiýalar we döwrebap sport enjamlary bilen ornaşdyrylan sport toplumynyň binasy ýakyndan ýardam berýär. Bu ýer­de ta­lyp­lar spor­tuň dürli görnüşleri bilen meşgullanyp bil­ýär­ler. Sport top­lu­myn­da ýü­zül­ýän suw how­da­ny, ten­nis, ki­çi fut­bol, bas­ket­bol, wo­leý­bol, gand­bol za­ly, tre­naž­ýor en­jamlary bilen enjamlaşdyrylan otag, göreş we boks oýunlary üçin meýdançalar bar. Gimnastika bilen meşgullanmak üçin aýry zal göz öňüne tutulan. Bu sport top­lu­my he­re­ket ed­ýän äh­li hal­ka­ra sport ülňüleriniň talaplaryna laýyklykda gurlandyr. Sport çä­re­le­ri ýo­ka­ry okuw mekdebimiziň sport toplumynda we paýtagtymyzyň stadionlarynda yzy­gi­der­li ge­çi­ril­ýär. Şeý­le hem talyp ýaşlar Halkara sport sergilerine uly höwes bilen gatnaşýarlar. Sportuň adam sagly­gy­na ber­ýän peý­da­sy ba­ra­da giňden wagyz etmek möhüm işleriň birine öwrüldi. Biziň talyplarymyz ýokary okuw mekdep­le­ri­niň ara­syn­da ge­çi­ril­ýän bäs­le­şik­ler­de baý­rak­ly orun­la­ra eýe bol­ýar­lar. Hä­zir­ki wagt­da bol­sa di­ňe bir ta­lyp­lar däl, eýsem, ýokary okuw mekdebimiziň mugallymlary hem sport bilen işjeň meşgullanýarlar.

Hal­ka­ra de­re­je­sin­de ge­çi­ril­ýän ýaryşlarda türkmen türgenlerimi­ziň ýe­ňiş­le­ri ata Wa­ta­ny­myzyň abraý-mertebesini belende gö­ter­mä­ge we türk­men spor­tu­ny dün­ýä ýaý­ma­ga hem giň ýol­lar açýar. Bu ugurda hormatly Prezidentimiziň alyp barýan döwlet syýasaty esasy üç sütüne daýanýar: ylym-bilim, medeniýet, saglyk we sport. Türkmenistan sagdynlygyň, bagtyýarlygyň, ruhubelentligiň we dostlugyň mekany hökmünde tanalýar. Türkmen halky eşretli durmuşda ýaşaýar. Bize bu bagty peşgeş beren Gahryman Arkadagymyzyň jany sag, ömri uzak bolsun!

Sona ISLAMOWA,

Halkara nebit we gaz uniwersitetiniň uly mugallymy.

“Nesil” gazeti,

13.04.2019ý.