Golaýda Türkmenistanyň Magtymguly adyndaky Ýaşlar guramasynyň Balkanabat şäher Geňeşi tarapyndan Gyzylarbat etrabynyň «Dürdäne» çagalar dynç alyş we sagaldyş merkezinde körpeleriň oňat dynç almaklaryny, medeni-köpçülik çärelere işjeň gatnaşmaklaryny gazanmak we sporta höweslendirmek maksady bilen, «Gül-gunçaly Diýarda bagtyýardyr körpeler» atly sport ýaryşy geçirildi. Ýaryş çekeleşikli ýagdaýda geçip, onda körpeler sportuň birnäçe görnüşleri boýunça öz ukyp-başarnyklaryny görkezdiler.
Çärä işjeň gatnaşan we ýeňiji bolan toparlara TMÝG-niň Balkanabat şäher Geňeşi tarapyndan ýadygärlik sowgatlary gowşuryldy.
Aýgül IŞANMÄMMEDOWA,
TMÝG-niň Balkanabat şäher Geňeşiniň
Guramaçylyk bölüminiň sanly ulgam
boýunça esasy hünärmeni.
