Şeýle şygar bilen düýn Türkmenistanyň Magtymguly adyndaky Ýaşlar guramasynyň döredilen güni mynasybetli Arkadag şäherinde bina edilen orta, ýörite orta we ýokary okuw mekdeplerinde bilim alýan, edara-kärhanalarda zähmet çekýän öňdebaryjy ýaşlaryň gatnaşmagynda atly baýramçylyk dabarasy geçirildi.
Aba Annaýew adyndaky Halkara atçylyk akademiýasynda geçirilen bu dabarany Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň esasy hünärmeni Mämmedaly Orazalyýew alyp baryp, Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň başlygy Mekan Amanlyýew, Aba Annaýew adyndaky Halkara atçylyk akademiýasynyň mugallymy, Ilkinji Ýaşlar guramasynyň başlygy Söýenç Ahmedow, Berdimuhamet Annaýew adyndaky Arkadag şäher mugallymçylyk orta hünär okuw mekdebiniň mugallymy, Ilkinji Ýaşlar guramasynyň başlygy;Oguloraz Durdyýewa, Saçly Dursunowa adyndaky Arkadag şäher lukmançylyk orta hünär okuw mekdebiniň mugallymy, Ilkinji Ýaşlar guramasynyň başlygy Abdylla Salpyýew, Arkadag şäheriniň iňlis dili dersine ýöriteleşdirilen 2-nji orta mekdebiniň mugallymy Merjen Allaberdiýewa, Aba Annaýew adyndaky Halkara atçylyk akademiýasynyň talyby Japarberdi Japarow dagy çykyş etdiler.
Şeýle hem baýramçylyk dabarasynda Sahy Jepbarow adyndaky Arkadag şäher ýörite sungat mekdebiniň bagtyýar ýaşlar toparynyň sazandarlyk etmeginde medeniýet-sungat işgärleriniň we talyp ýaşlaryň aýdym-sazly çykyşlary ýerine ýetirildi.
Mekan AMANLYÝEW,
TMÝG-niň Arkadag şäheriniň Geňeşiniň başlygy.
