Ýakynda Türkmenbaşy jins toplumynyň Magtymguly adyndaky ilkinji Ýaşlar guramasynyň ýurdumyzyň beýleki jemgyýetçilik guramalary bilen bilelikde guramagynda Türkmenbaşy jins toplumynda «Ýangyn howpsuzlyk düzgünlerini berjaý etmek her birimiziň borjumyzdyr» atly şygar astynda ady agzalan toplumda zähmet çekýän ýaşlaryň arasynda wagyz-nesihat duşuşygy geçirildi.
Duşuşygyň dowamynda ýangyn howpsuzlyk talaplaryny gyşarnyksyz berjaý etmek, elektrik, gaz enjamlary gurnalanda ýangyn howpsuzlyk düzgünlerinden ugur alynmalydygy dogrusynda giňişleýin gürrüň edildi.
Duşuşygyň ahyrynda raýatlaryň abadan durmuşda ýaşamagy üçin uly aladalary Gahryman Arkadagymyzyň, Arkadagly Gahryman Serdarymyzyň adyna alkyş sözleri aýdyldy.
Batyrgeldi MYRADOW,
Türkmenbaşy jins toplumynyň
ilkinji Ýaşlar guramasynyň başlygy.
