Ýakynda Türkmenistanyň Bilim, Içeri Işler ministrliginiň şeýle hem Magtymguly adyndaky Ýaşlar guramasynyň Aşgabat şäheriniň Bagtyýarlyk etrap Geňeşiniň bilelikde guramagynda Aşgabat şäheriniň Söwda kooperatiw orta hünär okuw mekdebinde wagyz-nesihat duşuşygy geçirildi.
Çärede çykyş edenler häzirki wagtda ýaş nesilleri ruhy taýdan terbiýelemek we olaryň sagdyn bedenli, bilimli, hünärli bolmaklary ugrunda uly aladalar edilýändigi barada giňden belläp geçdiler.
Çäräniň ahyrynda oňa gatnaşanlar halkymyzyň abadan we bagtyýar durmuşda ýaşamagynyň, ähliumumy parahatçylygyň hem-de ösüşiň bähbidine gönükdirilen beýik işleri durmuşa geçirýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.
Azady MYRADOW,
TMÝG-niň Bagtyýarlyk etrap Geňeşiniň
Guramaçylyk bölüminiň esasy hünärmeni.
