Ýakynda Aşgabadyň dokma toplumy toplumyň ilkinji Ýaşlar guramasy bilen bilelikde ýetip gelýän Täze ýyl baýramçylygy mynasybetli «Hoş geldiň, Täze ýyl – salam Täze ýyl» atly wagyz-nesihat duşuşygyny geçirdi.
Çäräniň dowamynda çykyş edenler hormatly Prezidentimiziň parasatly baştutanlygynda “Pähim-paýhas ummany Magtymguly Pyragy” ýylynyň uly üstünliklere beslenendigini we ýetip gelýän Täze ýyly Watanymyzyň ýeten belent sepgitleri, gazanan uly üstünlikleri bilen, uly ruhubelentlikde garşylaýandyklaryny buýsanç bilen belläp geçdiler.
Çäräniň ahyrynda oňa gatnaşanlar halkymyzy eşretli günlere alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, tutýan tutumly işleriniň rowaçlyklara beslenmegini tüýs ýürekden arzuw etdiler.
Nurjemal NEPESOWA,
Aşgabadyň dokma toplumynyň
ilkinji Ýaşlar guramasynyň
sanly ulgam boýunça hünärmeni.
