Ýakynda Türkmenistanyň Magtymguly adyndaky Ýaşlar guramasynyň Aşgabat şäher Geňeşiniň hem-de Aşgabat şäherindäki Syýahatçylyk orta hünär okuw mekdebiniň bilelikde guramagynda 2025-nji ýyl «Halkara parahatçylyk we ynanyşmak» ýyly mynasybetli Türkmenistanyň Jemgyýetçilik guramalarynyň Merkezi binasynda «tegelek stoluň» başynda söhbetdeşlik duşuşygy geçirildi.
Duşuşygyň dowamynda, Gahryman Arkadagymyzyň «Hakyda göwheri» atly kitabyny, Arkadagly Gahryman Serdarymyzyň «Magtymguly – dünýäniň akyldary» atly kitabyny halkymyza sowgat bermegi hem-de kitabynyň biziň elimize gelip gowuşmagy bilen bagly täsirli çykyşlar edildi.
Çäräniň ahyrynda oňa gatnaşanlar gadymy hem-de baý mirasymyzy öwrenmäge, olaryň ähmiýetini dünýä ýaýmaga giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, döwletli işleriniň hemişe rowaç almagyny, ajaýyp eserleriniň bolsa höwrüniň köp bolmagyny arzuw etdiler.
Hoşgeldi ANNAGELDIÝEW,
Türkmenistanyň Magtymguly adyndaky
Ýaşlar guramasynyň Aşgabat şäher Geňeşiniň
Medeniýet we köpçülikleýin habar beriş bölüminiň müdiri.
