Dogdy asmanyň Zöhresi,
Nurun saçýar çar ýan bu gün.
Eziz ýurdum, Türkmenistan!
Sende baky döwran bu gün.
Baglaryňda elwan güller,
Saýraşar şeýda bilbiller,
Watana aşyk köňüller,
Älem-jahan haýran bu gün.
Synlap behişt deý jemalyň,
Tapdym keşbiňde kemalym.
Watanym, jigerde-janym,
Adyň dünýä seýran bu gün!
Döwrümiz dillerde dessan,
Il agzybir, aýdyň asman,
Beýik döwre şöhrat hem şan,
Watan läle-reýhan bu gün.
Waspy aýdymda-sazlarda,
Keşbi sowulmaz ýazlarda,
Geljegi ogul-gyzlarda
Ýurt baky berkarar bu gün.
Aýtäç RAHYMOWA,
S.A.Nyýazow adyndaky Türkmen
oba hojalyk uniwersitetiniň talyby.
