Bedew çapar düzlerinde, düýe gezer çölünde,
Serçeleri baglarynda, daglarynda jerenler.
Rysgaly bar topragynyň, müşki ys bar, gülünde,
Başga bir bagt islärmi, bu eşreti görenler.!
Azadydyr, Mollanepes, Magtymguly danasy,
Pähimlidir-paýhaslydyr söz şygryndan erenler,
Watan görki göze sygmaz, ýetmez gözleň hanasy,
Başga bir zaman islärmi, bu zamany görenler.!
Dogar güneş mertler bilen, batar ýene mert bilen,
Watan ogly serhedinde, kalpda döşün gerenler,
Oýanylýar her säherde asuda eşret bilen,
Başga bir döwür islärmi, bu döwüri görenler.!
Dogan görer öz ganyndan, hoşniýetli halky bar,
Öýe dolanmak islemez ýurda myhman gelenler,
Bu jenneti Diýarda hemmä bagt ýaşamak!
Kim islemez? Arkadagly bu Watany görenler.!
Joşgun PUHANOW.
