Golaýda Türkmenistanyň Magtymguly adyndaky Ýaşlar guramasynyň Mary welaýatynyň Ýolöten etrap Geňeşiniň hem-de Ýolöten etrap bilim bölüminiň bilelikde guramagynda etrabyň 19-njy orta mekdebinde 3—5-nji synplarda okaýan okuwçy oglanlaryň arasynda “Merdana nesil – 2025” atly şadyýan bäsleşigiň etrap tapgyry geçirildi. Bäsleşik diýseň çekeleşikli häsiýete eýe boldy.
Çagalaryň döredijilik ukybyny, başarnygyny, zehinini ýüze çykarmak maksady bilen geçirilen bu bäsleşikde oglanlar bäsleşigiň şertlerine laýyklykda özara bäsleşdiler. Emin agzalarynyň adalatly baha bermeginde bäsleşikde etrabyň 10-njy orta mekdebiniň 5-nji synp okuwçysy Kakamyrat Muhammetgulyýew 1-nji, 19-njy orta mekdebiniň 5-nji synp okuwçysy Guwanç Muhammedow 2-nji, 21-nji orta mekdebiniň 5-nji synp okuwçysy Aýmyrat Şatlykow 3-nji orunlara mynasyp boldular. Bäsleşikde ýeňiji bolanlara we oňa gatnaşanlara Türkmenistanyň Magtymguly adyndaky Ýaşlar guramasynyň Mary welaýatynyň Ýolöten etrap Geňeşiniň Hormat hatlary hem-de ýadygärlik sowgatlary dabaraly ýagdaýda gowşuryldy.
Şadyýan bäsleşigiň ahyrynda oňa gatnaşanlaryň ählisi bagtyýar zamanada ýaş nesilleriň sazlaşykly ösmegi, mynasyp bilim-terbiýe almagy ugrunda giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Uzukjemal BAÝSÄHEDOWA,
Türkmenistanyň Magtymguly adyndaky Ýaşlar guramasynyň
Mary welaýatynyň Ýolöten etrap Geňeşiniň baş hünärmeni.
