Golaýda Türkmenistanyň Magtymguly adyndaky Ýaşlar guramasynyň Mary welaýatynyň Mary şäher Geňeşiniň hem-de Mary welaýat taryhy we ülkäni öwreniş muzeýiniň bilelikde guramagynda Halkara parahatçylyk we ynanyşmak ýylynda ýurdumyzda gazanylan belent üstünlikleri ýaşlaryň arasynda wagyz etmek maksady bilen Mary welaýat taryhy we ülkäni öwreniş muzeýinde «Beýik ösüşlere beslenýän Diýar» atly maslahat-duşuşygy geçirildi.
Duşuşygy Türkmenistanyň Magtymguly adyndaky Ýaşlar guramasynyň Mary welaýatynyň Mary şäher Geňeşiniň Guramaçylyk bölüminiň baş hünärmeni Göwher Kakageldiýewa alyp baryp, onda Mary welaýat taryhy we ülkäni öwreniş muzeýiniň ylmy işgäri Çemen Pygamowa, S.A.Nyýazow adyndaky Mary lukmançylyk orta okuw mekdebiniň mugallymy, IÝG-niň başlygy Aýna Kamarowa, Türkmenistanyň Magtymguly adyndaky Ýaşlar guramasynyň Mary welaýatynyň Mary şäher Geňeşiniň Guramaçylyk bölüminiň esasy hünärmeni Mähri Saparowa dagylar çykyş etdiler. Olar öz çykyşlarynda ajaýyp ýylymyzyň beýik ösüşleri dogrusynda buýsanç bilen bellediler.
Duşuşygyň ahyrynda oňa gatnaşanlar ýurdumyzy ösüşleriň aýdyň ýoly bilen öňe alyp barýan Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Güljemal TOÝKULYÝEWA,
Türkmenistanyň Magtymguly adyndaky Ýaşlar guramasynyň
Mary welaýatynyň Mary şäher Geňeşiniň Guramaçylyk bölüminiň
sanly ulgam boýunça esasy hünärmeni.
