Çaga aglamasa, enesi duýmaz.
* * *
Çaga eziz, edebi ondanam eziz.
* * *
Çaga hökümi patyşa höküminden artykdyr.
* * *
Çaga iş buýur, yzyndan özüň ýüwür.
* * *
Çagaly aýal – gül, çagasyz aýal – dul.
* * *
Çagaly aýal – jüýjeli towuk.
* * *
Çagaly öý – bazar, çagasyz öý – mazar.
* * *
Çagaly öýde gybat bolmaz.
* * *
Çagasyz aýal – miwesiz agaç.
* * *
Gündeşiň bolsa bolsun, gündeş çagaň bolmasyn.
* * *
Şir çagasy ýylda aýaklanar.
* * *
Ýaşlyk bir mertebe geler, çagalyk iki mertebe.
* * *
Bidöwletiň çagasy asmandaky Aýy dilär.
* * *
Çaga çaltyň bir elini baglar, çamanyň – iki elini.
* * *
Çaga ýaşlygyndakyny unutmaz, kel – başyndakyny.
* * *
Çagany – ýaşdan, edebi – başdan.
* * *
Çagany pully-da etme, pulsuz-da tutma.
* * *
Çagany söýgüleseň, beti1 gatar, uruberseň, eti gatar.
* * *
Çagany taýak bilen ursaň, ulalansoň ol seni damak
bilen urar.
* * *
Döwletliniň çagasy säher turar – heň eder,
Bidöwletiň çagasy säher turar – jeň eder.
* * *
Gurt çagasyndan ekdi bolmaz.
* * *
Gurt çagasyny gundasaň-da durmaz.
