Abraý diýeniň gyrkylan erkeçdir, gaçsa tutdurmaz.
* * *
Abraý isleseň – köp diýme, saglyk isleseň – köp iýme.
* * *
Ýagşy ogul il abraýy, ýagşy gyz – öý.
* * *
Abraýly ýigide ýaraly keýik sataşar.
* * *
Geýimi täzelikde aýa, abraýyňy – ýaşlykda.
* * *
Abraýy gaçandan gut gaçar.
* * *
Gyzyl dil – jan zähmeti, abraý – är kuwwaty.
* * *
Abraýy tapyp bolmaz, biabraýlyk duran ýeriňde.
* * *
Dil bilen nöker – bal bilen şeker,
Dil bilmez nöker – abraýyňy döker.
* * *
Maly giden garyp däl, abraýy giden garyp.
