Adam edebinden tanalar, ýurt – tugundan.
* * *
Ýeri ýokda, Watan ýok.
* * *
Ýaryndan aýrylan ýedi ýyl aglar, ýurdundan aýrylan – ölinçä.
* * *
Edenli adam topragy altyna öwrer.
* * *
Ýeriňi bejermeseň, aç galarsyň, ýabyňy arçamasaň, puç galarsyň.
* * *
Är dogan ýerini küýsär, it – doýan ýerini.
* * *
Özge ýerde soltan bolandan öz iliňde oltaň bol.
* * *
Ot köýdürer, ýer doýdurar.
* * *
Ýagşy ili bilen magtanar, ýer – käni bilen.
* * *
Är hereketi – ýer bereketi.
* * *
Ýeriň ýerden, äriň ärden parhy köp.
* * *
Alys ýeriň bugdaýyndan ýakyn ýeriň samany ýagşy.
* * *
Baýlygyň enesi – ýer, atasy – zähmet.
* * *
Bir batman altynyň bolandan, bir daban ýeriň bolsun.
* * *
Çyn baýlyk ýa ýer bilen, ýa-da zer bilen.
* * *
Ýere gulluk eden bir ýyldan baý bolar, mala gulluk eden – ýedi ýyldan.
* * *
Her kim öz ýurdunda handyr-soltandyr.
