GIŇ MÜMKINÇILIKLER — GELJEGE ÄDILEN ÄDIM

11-nji iýunda Türkmenis­ta­nyň Pre­zi­den­ti, ýur­du­my­zyň Ýa­ragly Güýç­le­ri­niň Be­lent Ser­kerde­ba­şy­sy go­şun ge­ne­ra­ly Gurbanguly Berdimuhamedow har­by we hu­kuk go­raý­jy edara­la­ryň ho­ja­lyk dü­zü­mi­ni kämil­leş­dir­mek, de­giş­li at­ha­na­ny gur­mak, gök-bak­ja ekin­le­ri­ni, mi­we­çi­li­gi ös­dür­mek, şeý­le hem bu dü­züm­le­re de­giş­li dynç alyş sa­gal­dyş mer­ke­zi­ni bi­na et­mek üçin ni­ýet­le­nen ýer­ler we de­gişli tas­la­ma­lar bi­len ta­nyş­dy.

Ir bi­len döw­let Baş­tu­ta­nymyz Kö­pet­da­gyň ete­gin­de ýerleş­ýän gö­zel kün­jek­le­riň biri­ne gel­di. Bu ýer­de mil­li Li­de­ri­mi­zi har­by we hu­kuk go­raý­jy eda­ra­la­ryň ýol­baş­çyla­ry gar­şy­la­dy­lar. Mi­nistr­ler Ka­bi­ne­ti­niň Baş­ly­gy­nyň orunba­sa­ry, Döw­let howp­suz­lyk ge­ňe­şi­niň sek­re­ta­ry Döw­let howp­suz­lyk ge­ňe­şi­niň ýa­kynda ge­çen mej­li­sin­de ber­len tabşy­ryk­lar­dan ugur alyp, ýe­ri­ne ýe­ti­ri­len iş­ler, şeý­le hem gu­rulma­gy me­ýil­leş­di­ril­ýän at­ha­nanyň des­ga­la­ry­nyň tas­la­ma­la­ry we ola­ryň ýer­leş­jek ýer­le­ri­niň çyz­gy­la­ry ba­ra­da ha­sa­bat berdi. Hor­mat­ly Pre­zi­den­ti­miz hö­dür­le­nen tas­la­ma­lar we bina­la­ryň ýer­leş­jek ýer­le­ri­ni görkez­ýän çyz­gy­lar bi­len jik­me-jik tan­şyp, ola­ra bir­nä­çe bel­lik­le­ri aýt­dy hem-de de­giş­li dü­ze­dişle­ri gi­riz­di.

Mil­li Li­de­ri­miz har­by gulluk­çy­la­ryň we hu­kuk go­raý­jy eda­ra­la­ryň iş­gär­le­ri­niň dür­li ugur­lar bi­len bir ha­tar­da, bedew­le­ri se­ýis­le­mek, at çap­mak ýa­ly hü­när­le­ri ele al­ma­gy­nyň wa­jyp­dy­gy­na ün­si çek­di. Munuň özi Türk­me­nis­ta­nyň Goran­mak mi­nistr­li­gi­niň At­çy­lyk to­pa­ry­nyň har­by gul­luk­çy­la­ry üçin aý­ra­tyn mö­hüm­dir.

Soň­ra Türk­me­nis­ta­nyň Pre­zi­den­ti­ne, ýur­du­my­zyň Ýa­rag­ly Güýç­le­ri­niň Be­lent Ser­ker­de­ba­şy­sy­na har­by we hu­kuk go­raý­jy eda­ra­la­ry­nyň iş­gär­le­ri üçin gu­rul­ma­gy meýil­leş­di­ril­ýän dynç alyş-sagal­dyş mer­ke­zi­niň ýer­leş­jek ýer­le­ri­niň taý­ýar­la­nan­dy­gy ba­ra­da ha­sa­bat be­ril­di.

Döw­let Baş­tu­ta­ny­myz bu des­ga­nyň gu­rul­jak ýe­ri­ne tarap ug­ra­dy. Bel­le­ni­li­şi ýa­ly, tä­ze mer­kez­de dynç al­jak­lara hö­dür­len­jek hyz­mat­la­ryň ýo­ka­ry de­re­je­si üp­jün edi­ler. Onuň ýa­na­şyk ýer­le­ri hä­zir­ki za­man ta­lap­la­ry­na la­ýyk dere­je­de en­jam­laş­dy­ry­lar. Şeý­le hem bi­na­la­ryň gur­lu­şy­gy meýil­leş­di­ri­len­de, bu kün­je­giň te­bi­gy aý­ra­tyn­lyk­la­ry na­za­ra alyn­ýar. Mil­li Li­de­ri­miz des­ganyň ýer­le­şi­şi bi­len tan­şyp, bu ýer­de ulu­la­ryň we ça­ga­la­ryň göw­ne­jaý dynç al­ma­gy üçin oňaý­ly şert­le­riň dö­re­dil­me­giniň ze­rur­dy­gy­na ýe­ne-de bir ge­zek ün­si çek­di. Gör­ke­zi­len tas­la­ma­lar we çyz­gy­lar bi­len tan­şyp, har­by we hu­kuk go­raýjy eda­ra­la­ryň öz­le­ri­ne de­giş­li ýer bö­lek­le­rin­de gök we bak­ja ekin­le­ri­ni, ir-iý­miş­le­ri ös­dü­rip ýe­tiş­dir­mek ba­ra­da­ky tek­lip­leri­ni oň­la­dy.

Hor­mat­ly Pre­zi­den­ti­miz dür­li mi­we­ler­den, aýratyn-da, aý­wadan taý­ýar­la­nyl­ýan mü­rep­bä­niň yn­san sag­ly­gy üçin ýo­kum­ly­dygy ba­ra­da anyk mag­lu­mat­la­ryň üs­ti bi­len gür­rüň ber­di, şeý­le-de bu iş­le­ri top­lum­la­ýyn hem-de yl­my esas­da ös­dür­me­gi tabşyr­dy. Şu­nuň bi­len bag­ly­lyk­da, mil­li Li­de­ri­miz har­by we hu­kuk go­raý­jy eda­ra­la­ryň gök, bakja we mi­we önüm­le­ri­ni ös­dü­rip ýe­tiş­dir­mek­le­ri bi­len bir ha­tarda, ola­ry gaý­ta­dan iş­le­mek mese­le­le­ri­ni, soň­ky tap­gyr­da bol­sa ýy­la­dyş­ha­na­la­ry gur­mak iş­le­riniň ýo­la go­ýul­ma­ly­dy­gy­ny aýdyp, mu­nuň har­by we hu­kuk go­raý­jy eda­ra­la­ryň iş­gär­le­ri­niň, har­by gul­luk­çy­la­ryň we ýaş esger­le­riň wa­tan­sö­ýü­ji­lik ru­hun­da ter­bi­ýe­len­me­gin­de, ola­ryň ha­lal zäh­me­te bo­lan söý­gü­si­ni ös­dürmek­de uly äh­mi­ýe­te eýe­di­gini nyg­ta­dy. Şeý­le hem döw­let Baş­tu­ta­ny­myz zäh­met ter­bi­ýesin­de ga­dym­dan gel­ýän mil­li ýö­rel­ge­le­riň wa­jyp­dy­gy, ýaşla­ry köp­çü­lik­le­ýin be­den­ter­biýe he­re­ke­ti­ne iş­jeň çek­me­giň ze­rur­dy­gy ba­ra­da aý­dyp, de­giş­li we­zi­pe­le­ri çöz­mä­ge top­lum­laýyn esas­da jo­gap­kär­li çe­me­leşme­gi tab­şyr­dy.

Soň­ra mil­li Li­de­ri­miz ak mer­mer­li Aş­ga­ba­dyň mer­kezin­de ýer­leş­ýän Döw­let münbe­ri­niň ýa­nyn­da­ky Baş meýdan­ça gel­di. Ýur­du­my­zyň dur­mu­şyn­da mö­hüm äh­mi­ýe­ti bo­lan şan­ly se­ne­ler my­na­sy­betli da­ba­ra­ly ýö­riş­le­riň gu­ral­ýan kün­je­gi­niň aba­dan­çy­lyk de­re­jesi­ne mö­hüm äh­mi­ýet ber­me­giň ze­rur­dy­gy­na ün­si çe­kip, Türkme­nis­ta­nyň mu­kad­des Ga­raşsyz­ly­gy­nyň 30 ýyl­ly­gy­nyň horma­ty­na gu­ral­jak baý­ram­çy­lyk çä­re­le­ri­ne, aýratyn-da, har­by ýö­ri­şe hä­zir­ki gün­ler­den yk­jam taý­ýar­lyk gör­mek, mö­hüm syýa­sy äh­mi­ýe­ti bo­lan çä­re­le­riň ýo­ka­ry gu­ra­ma­çy­lyk de­re­je­si­ni üp­jün et­mek bi­len bag­la­ny­şykly me­se­le­le­re jo­gap­kär­çi­lik­li çeme­leş­mek ba­bat­da anyk tab­şyryk­la­ry ber­di.

Soň­ra Türk­me­nis­ta­nyň Pre­zi­den­ti, ýur­du­my­zyň Ýarag­ly Güýç­le­ri­niň Be­lent Ser­ker­de­ba­şy­sy go­şun ge­ne­ra­ly Gurbanguly Berdimuhamedow öň­de dur­ýan we­zi­pe­le­ri üs­tünlik­li ýe­ri­ne ýe­tir­mek­de har­by we hu­kuk go­raý­jy eda­ra­la­ryň ýol­baş­çy­la­ry­na üs­tün­lik­le­ri arzuw et­di we bu ýer­den ug­ra­dy.

“Nesil” gazeti,

13.06.2020ý.