Eşretli eýýamda bagtyň bagynda,
Döwrüme guwanyp aýdym aýdylýar.
Garaşsyz ülkämiň gözel çagynda,
Ýürekler joş urup, aýdym aýdylýar.
Gözellik bezeýär belendi-pesi,
Belentden ýaňlanýar ýeňişiň sesi.
Türgenleriň Arkadaga alkyşy,
Şirwan perdä galyp, aýdym aýdylýar.
Mähriban Diýarda daňlar atanda,
Durmuş süýjär eken bagt gatanda.
Günler, ajap güller ajap Watanda,
Döwrüme guwanyp aýdym aýdylýar.
Ak bagta uzaýan ýollarym ýagty,
Ösüşe beslenýär sagatdyr wagty.
Arkadag eçildi eşretli bagty,
Şol bagta guwanyp aýdym aýdylýar.
Gunça ORAZOWA,
Daşoguz welaýatynyň Köneürgenç etrabynyň
1-nji sport mekdebiniň tälimçi-mugallymy,
Türkmenistanyň Magtymguly adyndaky
Ýaşlar guramasynyň işjeň agzasy.
