Saýgaramok ak-garany,
Günler dyrnar kalp ýaramy.
Yşkdan gurup galamy.
Men diňe seni küýsedim.
Ak kagyza gara sürtüp,
Kä nagyşlap, käte ýyrtyp,
Geçdi günler ömür kertip,
Men diňe seni küýsedim.
Seniň giden ýoluň gözläp,
Käte dymyp, käte sözläp.
Gussalarmy kalpda gizläp,
Men diňe seni küýsedim.
Şygyrlardan bina edip,
Seň adyňy sena edip.
Yşkymyzy pena edip,
Men diňe seni küýsedim.
Artdyryp ýyllaň ýüküni,
Özüme etdim hökümi.
Yşkdan sorap hakymy,
Men diňe seni küýsedim.
Gunça ORAZOWA,
Daşoguz welaýatynyň Köneürgenç etrabynyň
1-nji sport mekdebiniň tälimçi-mugallymy,
TMÝG-niň işjeň agzasy.
