Her bir güni toý edip, şanly senä besledip,
Gök asmana görk berýär, pasyrdaýyp, seslenip.
Bu gün dünýä nur saçýar, gözelligin göz edip,
Gül-gülüstan Watanda parla ýaşyl baýdagym!
Ýaşyl reňkiň kybapdaş goja dünýäň ýazyna,
Owsun atyp ses goşýaň, parahatlyk sazyna.
Aý-ýyldyzlaň nur saçýar bu zeminde barlyga,
Gül-gülüstan Watanda parla ýaşyl baýdagym!
Haly gölleň nusgalyk gadymýete ýol açýar,
Al-elwan Watanymda eller güle çolaşýar.
Bu gün Oguz kowmunda toýlar toýa ulaşýar,
Gül-gülüstan Watanda parla ýaşyl baýdagym!
Lebzi halal türkmeniň halallykdyr gözbaşy,
Ol zeýtunyň söz berýär bol hasyla sözbaşy.
Arkadagly zamanda buýsandyryp bu başy,
Gül-gülüstan Watanda parla ýaşyl baýdagym!
Gunça ORAZOWA,
Daşoguz welaýatynyň Köneürgenç etrabynyň
1-nji sport mekdebiniň tälimçi-mugallymy,
Türkmenistanyň Magtymguly adyndaky
Ýaşlar guramasynyň işjeň agzasy.
