Golaýda Esenguly etrap medeniýet merkezinde Türkmenistanyň Magtymguly adyndaky Ýaşlar guramasynyň Balkan welaýatynyň Esenguly etrap Geňeşiniň, etrap zenanlar guramasy bilen bilelikde guramagynda wagyz-nesihat duşuşygy geçirildi. «Edep-altyn, terbiýe-hazyna» ady bilen geçirilen bu çärä etrabyň edara-kärhanalarynda zähmet çekýän gyz-gelinler gatnaşdylar.
Duşuşykda çykyş edenleriň belleýşi ýaly, jemgyýetiň bagtyýarlygy, döwletiň berkararlygy ýaş nesle maşgalada berilýän terbiýä baglydyr. Çünki ýaş nesillere berilýän terbiýäniň özeninde milli we asylly ýörelgelerimiz saklanyp galýar. Çykyş edenler şular dogrusynda giňişleýin durup geçdiler. Çäräniň ahyrynda oňa gatnaşanlar milliligimize, asylly däp-dessurlarymyza belent sarpa goýýan hormatly Prezidentimize hoşallyk sözlerini aýtdylar.
Abat MÄMMEDOWA,
TMÝG-niň Balkan welaýatynyň
Esenguly etrap Geňeşiniň guramaçylyk
bölüminiň esasy hünärmeni.
