Ýakynda «Gara altyn» çagalar sagaldyş we dynç alyş merkezinde tomusky dynç alyş möwsüminde dynç alýan çagalaryň wagtlaryny täsirli, gyzykly geçirmeklerini, medeni-köpçülik çärelere işjeň gatnaşmaklaryny gazanmak, sagdyn durmuş ýörelgesini öňe sürmek maksady bilen, Türkmenistanyň Magtymguly adyndaky Ýaşlar guramasynyň «Türkmennebit» döwlet konserniniň şahamçasynyň guramagynda «Sagdyn nesil-kuwwatly Watan» atly sport bäsleşigi geçirildi.
Geçirilen bäsleşiklerde çagalar öz ukyp-başarnyklaryny görkezdiler we wagtlaryny şatlykly geçirdiler. Bäsleşigiň dowamynda işjeňlik görkezen çagalara Türkmenistanyň Magtymguly adyndaky Ýaşlar guramasynyň «Türkmennebit» döwlet konserniniň şahamçasy tarapyndan ýadygärlik sowgatlary gowşuryldy.
Orazgül AMANDURDYÝEWA,
Türkmenistanyň Magtymguly adyndaky
Ýaşlar guramasynyň Balkan welaýatynyň
«Türkmennebit» döwlet konserniniň
şahamçasynyň uly buhgalteri.
