Golaýda Türkmenistanyň Magtymguly adyndaky Ýaşlar guramasynyň Esenguly etrap Geňeşiniň, Esenguly etrap bedenterbiýe sport bölümi bilen bilelikde gurnamagynda sport mekdebine gatnaýan ýaş türgenleriň arasynda «Sagdyn nesil – kuwwatly Watan» atly şygar bilen sportuň stoluň üstünde oýnalýan tennis görnüşi boýunça bäsleşik geçirildi.
Ýaş türgenlerden düzülen toparyň gatnaşmagynda geçirilen bäsleşik diýseň çekeleşikli ýagdaýda geçip, olaryň ukyp-başarnyklaryny görkezdi. Türgenler stoluň üstünde tennisi ikileme görnüşinde hem bäsleşdiler. Bäsleşikde ýeňiji bolan ýaş türgenlere Türkmenistanyň Magtymguly adyndaky Ýaşlar guramasynyň Esenguly etrap Geňeşi tarapyndan ýadygärlik sowgatlary gowşuryldy.
Abat MÄMMEDOWA,
TMÝG-niň Balkan welaýatynyň
Esenguly etrap Geňeşiniň Guramaçylyk
bölüminiň esasy hünärmeni.
