Aşgabat şäheriniň Bagtyýarlyk etrap häkimliginiň we Türkmenistanyň Magtymguly adyndaky Ýaşlar guramasynyň Bagtyýarlyk etrap Geňeşi bilen bilelikde guramagynda «El hünäri – il gezer» atly döredijilik duşuşygy geçirildi.
Täsirli geçen çäräniň dowamynda sergiler jaýynda oňa gatnaşyjylaryň taýýarlan milli lybaslarydyr bezeg şaýlarynyň, tahýalaryň, halylaryň hem-de milli gymmatlyklarymyzyň naýbaşy nusgalary hasaplanýan zergärçilik önümleriniň, şol sanda ahalteke bedewlerini bezeýän şaý-sepleriň özboluşly gözelligi myhmanlarda uly gyzyklanma döretdi.
Duşuşygyň ahyrynda çärä gatnaşanlar Garaşsyz Watanymyzy ösüşiň täze belentliklerine alyp barýan, sagdyn jemgyýeti kemala getirmekde uly işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Ogulsapar BABYLOWA,
TMÝG-niň Bagtyýarlyk etrap
Geňeşiniň esasy hünärmeni.
