Magtymguly Pyragy:
Joşgun ýüregimde möwç urar, ýatmaz,
Gaýnar, gazaplanar, hiç laýa batmaz,
Ylym-taglym algan seni unutmaz,
Gider boldum, hoş gal, gözel Şirgazy!
* * * * * * * * * * * * * * *
Hakdan bize buýruk baglydyr bilim,
Sende taglym aldy, açyldy dilim,
Gelsin diýip garar ol gerkez ilim,
Gider boldum, hoş gal, gözel Şirgazy
* * * * * * * * * * * * * * *
Mämmetweli Kemine:
Ýagşyny ýasan ussalar,
Pähm etmez akly gysgalar,
Galar gadymky nusgalar,
Hünärli goluň derdinden.
* * * * * * * * * * * * * * *
Omar Haýýam:
Hergiz boş bolmady başym bilimden,
Bilmedik syrlarym azdyr ylymdan,
Oýlanyp syn etsem, köp zady bilmän,
Gidipdir ömrümiň bary elimden.
* * * * * * * * * * * * * * *
Dost tutun sen aňly hem dogry kesden,
Müň agaç daşda dur gylygy pesden,
Iç, eger bilimli zäher berse-de,
Ýere dök, derman-da ýetse näkesden.
* * * * * * * * * * * * * * *
Mäne Baba:
Kalp zynaty ylym bilen taplansa,
ten kapasa kineden has saplansa.
tekepbirlik basgylansa palçyk deý,
Ýüregimde diňe Allam gaplansa.
* * * * * * * * * * * * * * *
Kerim Gurbannepesow:
Olar belentdiler. Şol belentlikden
Ýeňip uly dünýäň ownuk gybatyn,
Dünýädäki ähli ownukçyllykdan
Ýokarda goýdular zehin gymmatyn.
* * * * * * * * * * * * * * *
Öz seçen kärini oňarsa her kim,
Ýarpy ýeňledermiş dünýäniň ýükün.
Ýekeje hünäre ýöretseň höküm –
Iliňe bergidar bolmaýşyň besdir.
* * * * * * * * * * * * * * *
Berdinazar Hudaýnazarow:
Keremlisiň, öz bendäňe ynsap et,
Senden gorkmadykdan sora hasabat.
Mümkin bolsa, köpbilmişden halas et,
Bilimden – bilmekden binesip etme.
