ŞU GÜNÜŇ TÄZE ŞÄHERI

10-njy aprelde hormatly Prezidentimiz Gurbanguly Berdimuhamedow Ahal welaýaty­nyň do­lan­dy­ryş mer­ke­zi­niň — tä­ze şä­he­riň düýbüni tutmak dabarasyna gatnaşdy. Gökdepe et­ra­by­nyň çä­gin­de bi­na edil­jek tä­ze bi­na­nyň düý­bü­ni tut­mak çä­re­si ýat­da ga­ly­jy da­ba­ra­la­ra beslendi. Bu bolsa ýurdumyzda tutulýan tutumlaryň binýadynyň berkdendigini, uludandygyny ýene bir ýola görkezdi.

Türk­me­nis­tan­da tä­ze nus­ga­da­ky şä­heriň gurluşygyna badalga berilmegi milli Liderimiziň durmuş-ykdysady syýasatyny üstünlikli durmuşa geçirmegiň ýolundaky möhüm ädi­me öw­rül­di. Onuň esa­sy ug­ry hal­kymyzyň amatly ýaşaýşy üçin aňrybaş şertleriň dö­re­dil­me­gi­dir. Şä­hergur­lu­şyk tas­la­ma­la­ry­ny durmuşa geçirmek sebitleri toplumlaýyn ýagdaýda senagatlaşdyrmak, milli ykdysadyýetimizi we hususy pudagy köpugurly esasda ösdürmek boýunça wezipeleriň oňyn çözgüdine gönükdiri­len­dir. Mu­nuň özi mäh­ri­ban Wa­ta­ny­my­zyň gül­läp ös­me­gi­ne, hal­ky­my­zyň aba­dan­çy­lyk dere­je­si­niň ýo­kar­lan­ma­gy­na ýar­dam ber­ýär

...Da­ba­ra­nyň geç­ýän ýe­rin­de baý­ram­çy­ly­ga mahsus ýagdaý emele geldi. Bu ýere milli Lideri­mi­ziň baş­lan­gy­jy bi­len ge­çi­ril­ýän öz­gert­me­ler eýýamynyň ýyl ýazgysyna aýdyň sahypa bolup girjek şanly wakanyň şaýatlary bolýan köp sanly adamlar ýygnandylar. Ähli ýerde Döwlet baýdak­la­ry pa­syr­da­p, tä­ze gur­lu­şy­gyň möç­ber­le­ri­ni be­ýan ed­ýän şe­kil­ler, çyz­gy­lar goý­lup­dyr. Şeý­le hem bu ýerde Ahalyň dag eteklerinde biziň günlerimize çenli saklanyp galan taryhy ýadygär­lik­le­riň şe­kil­le­ri gör­ke­zil­di. Bu ýer­de ak öý­ler oturdylyp, türkmen toýlaryna mahsus dessurlar, şol san­da toý däp­le­ri, mil­li oýun­lar, se­net­kär­lik eser­le­ri gör­ke­zil­di. Bu ýer­de äpet ha­ly do­ka­ýan kyrk gy­zyň hü­nä­ri has-da tä­sir­li bol­dy.

Giň möçberli gurluşyk işleriniň başlanjak ýerinde bagşylaryň owazy ahalteke bedewlerine atlanan ýigitleriň çykyşy bilen utgaşdy. Köp san­ly jan­kö­ýer­ler päl­wan­la­ryň tut­lu­şyk­laryna tomaşa etdiler. Ýigitler «Ýaglyga towusmak» oýnuny ýerine ýetirdiler, ýaşajyk oglanlar bolsa aşyk oýnadylar we beýleki oýunlara gümra boldular. Sahnalaşdyrylan çykyşlarda gadymy türkmen elipbiýiniň harplarynyň şekilleri peýdalanyldy. Munuň özi tomaşaçylary Oguz ­han döw­rü­ne sy­ýa­ha­ta ça­gyr­dy.

­         Şeýle hem bu ýerde taryhy pursatlaryň özbo­luş­ly be­ýa­ny­na öw­rü­len tu­tuş şä­he­riň keş­bi jan­lan­dy­ryl­dy. On­da bel­li mil­li bi­na­gär­lik ýady­gär­lik­le­ri, şol san­da meş­hur Änew met­ji­di­niň, Pa­ryz­de­pe ýa­dy­gär­li­gi­niň, şöh­rat­ly Par­fi­ýa ga­lasy­nyň, Şäh­rys­la­myň şe­kil­le­ri bar. Onuň ýa­nyn­da bol­sa Ahal we­la­ýa­ty­nyň tä­ze do­lan­dy­ryş mer­kezi­niň çäk­le­rin­de bi­na edil­me­gi me­ýil­leş­di­ril­ýän des­ga­la­ryň gör­nüş­le­ri hem gör­ke­zil­di. Olar tä­ze nus­ga­da­ky şä­her­de bi­na edil­jek Ru­hy­ýet köş­güniň, medeniýet merkeziniň, kitaphananyň, muzeýiň, we­la­ýat hä­kim­li­gi­niň bi­na­sy­nyň, kö­pu­gur­ly has­sa­ha­na­nyň we beý­le­ki bir­nä­çe des­ga­la­ryň tasla­ma­la­ry­dyr. Bu­la­ryň äh­li­si ýa­kyn bir­nä­çe ýy­lyň dowamynda bu ýerde emele geler.

Döw­let Baş­tu­ta­ny­myz Ahal we­la­ýa­ty­nyň häzirki zaman dolandyryş merkeziniň düýbüni tut­mak my­na­sy­bet­li da­ba­ra­nyň ge­çi­ril­ýän ýe­rine barmagy aýratyn öwüşgine beslendi. Milli Li­de­ri­mi­ziň: «Şu gün ägirt uly tas­la­ma­nyň — tu­tuş şä­he­riň gur­lu­şy­gy­nyň iş ýü­zün­de dur­mu­şa ge­çi­ril­me­gi­ne ba­dal­ga be­ril­ýär. Şu­nuň ýa­ly giň möçberli taslamalary amala aşyrmak, pugta ykdy­sa­dy bin­ýa­dy we örän uly ösüş ugur­la­ry bo­lan ýurda başardýar» diýip aýdan sözleri dabara ýygna­nan­la­ryň Wa­ta­ny­my­za bo­lan söý­gü­si­ni, onuň ösüşlerine bolan buýsanjyny has-da artdyrdy.

Bu merkeziň gurluşygyna özgertmeleriň ge­çi­ril­ýän ýyl­la­ryn­da top­la­nan şä­her­gur­lu­şyk tej­ri­be­le­ri­ne esas­la­nyp baş­la­ýan­dy­gy­ny bel­läp, döwlet Baştutanymyz ýurdumyzyň kompaniýalarynyň özlerine ynanylan möhüm gurluşyk tas­la­ma­la­ry­ny ynam­ly dur­mu­şa ge­çir­ýän­dik­lerini aýtdy. Şeýlelikde, ýurdumyzda agrosenagat kär­ha­na­la­ry we se­na­gat top­lum­la­ry, tä­ze nus­ga­ly ýa­şa­ýyş top­lum­la­ry we şä­her nus­ga­ly şä­her­çe­ler gu­rul­ýar.

Ähli amatlyklary bolan belent ýaşaýyş jaýlaryndan başga-da, kottejleriň hem uly toplumlary gurulýar. Bu hem raýatlarymyzyň hususy isleglerine we ileri tutýan ugurlaryna laýyk gel­ýän äh­li amat­lyk­la­ry bo­lan oňaý­ly ýa­şaýyş jaýlaryny saýlap almagynda mümkinçilikle­ri bar­ha gi­ňelt­mä­ge şert dö­red­ýär. Aş­ga­bat­da şeýle ýaşaýyş toplumynyň gurluşygyna Çoganlyda badalga bereris diýip, hormatly Prezidentimiz aýtdy.

Bu iş­le­riň äh­li­si hor­mat­ly Pre­zi­den­ti­mi­ziň döw­le­ti­mi­zi ös­dür­mek hem-de Wa­ta­ny­my­zyň her bir raýatynyň abadançylygyny we bagtyýar durmuşyny üpjün etmek babatynda alyp barýan netijeli syýasatynyň miweleridir.

Munuň bilen birlikde ýurdumyz senagat taý­dan güýç­li dep­gin­ler bi­len ös­ýär. Ýur­dumy­zyň äh­li se­bit­le­ri­ni bir­leş­dir­ýän tä­ze ulag ýol­la­ry gu­rul­ýar. Aş­ga­bat — Türk­me­na­bat ýokary tizlikli awtomobil ýolunyň gurluşygyna ba­dal­ga be­ril­di. Hä­zir­ki wagt­da Aş­ga­bat — Türkmenbaşy ýokary tizlikli awtomobil ýolunyň gurluşygy uly depginler bilen dowam et­di­ril­ýär. Bu ýol­lar Ahal we­la­ýa­ty­nyň çäk­lerinde birleşip, ýurdumyzyň gündogarynda we günbatarynda ýerleşen iki çetki sebiti özara baglanyşdyrar.

Hormatly Prezidentimiz Gurbanguly Berdimuhamedow bu işe tarp ýerden başlanýan­dy­gy­ny aý­dyp, hut şu ýer­de — Gök­de­pe et­ra­by­nyň çä­gin­de ýur­du­my­zyň şöh­rat­ly se­ne ýaz­gy­sy­nyň tä­ze, aja­ýyp sa­hy­pa­sy­nyň ýa­zyl­jakdygyny belledi. Bu şöhratly sene ýazgysy dowam et­di­ri­ler. Ony gel­jek­ki ne­sil­le­ri­miz hem dowam etdirerler.

Taslamanyň çuňňur manysy barada aýdyp, döwlet Baştutanymyz Ahalyň dolandyryş merke­zi­niň tas­la­ma­syn­da şä­he­ri we bü­tin se­bi­ti dolan­dy­ryş-çäk bir­li­gi bi­len bi­le­lik­de ös­dür­me­giň ulgam emele getiriji innowasion düzüm böleginiň binýadynyň goýlandygyny belledi. Geljekki şä­he­ri gur­mak üçin gel­jek­de dur­mu­şyň nä­hi­li boljakdygyny anyk bilmek zerurdyr diýip, milli Liderimiz sözüni dowam etdi.

Ony, san­ly we in­tel­lek­tual ul­gam­lar­syz, ýokary tehnologiýalarsyz göz öňüne-de getirip bol­maz. Olar bi­ziň dur­mu­şy­my­zyň äh­li ugur­lary­na iş­jeň or­naş­ýar­lar. Ýö­ne, dün­ýä­niň umu­my ösüşi bilen deň gadam urmak bilen bir hatarda, özümiz üçin we geljekki nesillerimiz üçin milli mirasymyzy, ruhy gymmatlyklarymyzy, köpasyr­lyk me­de­ni­ýe­ti­mi­zi we däp-des­sur­la­rymyzy hem aýawly saklaýarys diýip, döwlet Baştutanymyz belledi.

Bu me­se­lä­niň ýa­şu­lu­lar, de­pu­tat­lar bi­len maslahatlaşylandygyny, ilatyň pikiriniň öwreni­len­di­gi­ni bel­läp, döw­let Baş­tu­ta­ny­myz tas­lamada arassaçylyk, suw we beýleki ýagdaýlaryň göz öňün­de tu­tu­lan­dy­gy­ny aýt­dy. Tä­ze şä­her we­la­ýa­tyň äh­li ila­ty üçin amat­ly bo­lar. Bu ýe­re ýol­lar çe­ki­lip, äh­li et­rap­lar­dan we oba­lardan dürli ulaglar gatnar.

Gahryman Arkadagymyzyň baştutanlygynda düý­bi tu­tu­lan şä­her 70 müň­den gow­rak hojalyga niýetlenendir. Bu ýerde iki tapgyrda kottejleriň we köp gatly ýaşaýyş jaýlarynyň 400-den gow­ra­gy gur­lar. Olar­da ýa­şa­mak, dynç almak, çagalaryň sagdyn ösüp ulalmaklary üçin äh­li amat­ly şert­ler dö­re­di­ler.

Şeýle hem 320 orunlyk 10 sany çagalar ba­gy, her­si 720 okuw­ça ni­ýet­le­nen 19 sa­ny or­ta mek­de­bi, iki sa­ny Sag­lyk öýi, Enä­niň we çaganyň saglygyny goraýyş merkezi, beýle­ki has­sa­ha­na­lar gu­r­lar. We­la­ýat mer­ke­zin­de Ru­hy­ýet köş­gi, Me­de­ni­ýet öýi, dra­ma teat­ry, ki­tap­ha­na, sir­kiň bi­na­sy, mu­zeý, hä­zir­ki za­man sport top­lu­my­nyň iki­si bi­na edi­ler. Ra­ýat­la­ryň dynç al­mak­la­ry üçin ba­gy-bos­san­ly se­ýil­gäh dörediler. Söwda we dynç alyş merkezi ilata hyzmat eder.

Bulardan başga-da, aýlawy, türgenleşik meýdan­ça­la­ry, ma­než­le­ri we at­ha­na­la­ry bo­lan Halkara atçylyk ýokary okuw mekdebini, Ylmy-önümçilik merkezini gurmak hem göz öňünde tutulýar. Bu desgalar Halkara atçylyk sport toplumy bilen bilelikde bitewi ulgamy emele getirer diýip, milli Liderimiz Gurbanguly Berdimuhamedow belledi.

Şä­her­de do­lan­dy­ryş, işe­wür­lik, dur­muş-üp­jünçilik we ulag-aragatnaşyk ulgamlary hem döredi­ler. Bu eda­ra­lar tä­ze iş orun­la­ry­ny dö­ret­mä­ge, ilatyň iş bilen üpjünçiligini has gowulandyrmaga mümkinçilik berer.

Bu ýerde ýaşajak ilat üçin iň gowy şertler, iş orun­la­ry, iň hä­zir­ki za­man dur­muş gur­şa­wy dörediler. Bu bolsa, diňe bir bu ýere köp sanly ýa­şaý­jy­la­ry çek­män, eý­sem, we­la­ýa­tyň yk­dy­sady­ýe­ti­ni düýp­li öz­ger­der. Onuň äh­li pu­dak­la­rynyň ösü­şi­ne tä­ze iter­gi be­rer di­ýip, hor­mat­ly Prezidentimiz belledi.

Biz bu iş­le­riň äh­li­si­ni mäh­ri­ban hal­ky­myz üçin ed­ýä­ris. Her bir maş­ga­la­nyň we ra­ýa­tyň abadan hem-de bagtyýar durmuşda ýaşamagy üçin ed­ýä­ris di­ýip, mil­li Li­de­ri­miz bel­le­di we döwletimiziň şu maksatlar üçin zerur bolan serişdeleri gönükdirjekdigini aýtdy. Nesip bolsa, ýene-de üç-dört ýyldan gözel Köpetdagyň etegin­de äh­li şert­le­ri bo­lan, lo­wur­dap du­ran tä­ze, aja­ýyp şä­her dö­rär di­ýip, döw­let Baş­tu­ta­ny­myz sözüni jemledi.

Milli Liderimiz bu taryhy waka mynasybetli gel­jek ne­sil­le­re ýa­dy­gär­lik ýaz­ga gol go­ýup, şowhunly el çarpyşmalar astynda geljekki nesillere niýetlenen gutyny binýada oklady.

Bu ýer­de tä­ze şä­he­riň düý­bü­niň tu­tul­ýan bin­ýa­dy Oguz­ha­nyň se­kiz­burç­luk ýyl­dy­zy­nyň şekilinde döredilipdir. Munuň özi asyrlaryň we müňýyllyklaryň dowamynda türkmen halkynyň paýhasly pederleriniň asylly ýörelgeleriniň nesilden-nesle geçirilip gelnendiginiň subutnama­sy­dyr. Dabara güni bu ýö­rel­gäni my­na­syp dowam etdirjek nesillerimize niýetlenen ýadygär­lik ýaz­gy­ly gu­ty hor­mat­ly Pre­zi­den­ti­miz ta­ra­pyn­dan tä­ze şä­he­riň bin­ýa­dy­na atyl­dy. Milli Li­de­ri­miz tä­ze des­ga­nyň bin­ýa­dy­na il­kinji be­ton ga­ryn­dy­sy­ny at­mak bi­len, bu çä­giň top­lum­la­ýyn esas­da öz­leş­di­ril­me­gi­ne we tä­ze şä­he­riň gur­lu­şy­gy­na ba­dal­ga ber­di.

Tä­ze şä­he­riň düý­bü­ni tut­mak da­ba­ra­syn­dan soňra hormatly Prezidentimiz Gurbanguly Berdimuhamedow Gökdepe metjidine tarap ugrady.

Döwlet Baştutanymyz din wekilleri bilen söhbet­deş­lik­de türk­men hal­ky­nyň asyl­ly däp­le­ri­niň ýaşlaryň watansöýüjilik we ruhy-ahlak taýdan ter­bi­ýe­len­me­gin­de äh­mi­ýet­li­di­gi­ni bel­läp, dur­muş ulgamynyň ýurdumyzyň we onuň okgunly ösüşiniň gymmatly serişdesidigini nygtady.

Beýik Biribardan türkmen topragyna parahatçylyk, asudalyk, halkyň agzybirligini, saglygyny, döw­let Baş­tu­ta­ny­my­zyň Wa­ta­ny­my­zyň ro­waç­lygy­nyň bäh­bi­di­ne alyp bar­ýan iş­le­rin­de üs­tün­lik gazanmagyny arzuw edilip, aýat-töwir okaldy. Aýat-töwirden soňra milli Liderimiz bu ýerde berlen sadaka gatnaşdy.

Aýat-töwirler okalansoň, hormatly Prezidentimiz bu ýere ýygnananlara ýüzlenip, berlen sadakalaryň, edilen aýat-töwirleriň Beýik Bi­ri­ba­ryň der­gä­hin­de ka­bul bol­ma­gy­ny di­leg etdi. Goý, türkmen topragynda hemişe asudalyk we agzybirlik bolsun, ýurdumyz rowaçlyklara beslensin!

Soňra bu ýere ýygnananlary ýene bir gezek şu günki şanly waka bilen gutlap, hormatly Prezidentimiz olar bilen hoşlaşandan soňra bu ýerden ugrady.

“Nesil” gazeti,

13.04.2019ý.