Abdylla ibn Mübäregiň bir goňşusy bolupdyr. Ol çagalaryndan öňürti ýaňky goňşusyna nahar dadyrar eken. Çagalaryndan öňürti, ony geýindirer eken. Günleriň birinde bu ýerden howly edinmek isleýänleriň biri goňşusynyň ýanyna gelip, jaýyny satmagy teklip edipdir. Goňşusy: “Öýüm, howlym iki müň dinara durýar. Müň dinar onuň hakyky gymmaty. Müň dinar bolsa gowy goňşymyň barlygy üçin” diýipdir. Müşderi bu sözlere ör-gökden gelipdir: “Biz-ä jaýyň bahasynyň üstüne goňşy hakynyň urulýandygyny heniz eşidemzok” diýipdir. Emma goňşusy pikirinden dänmejegini ýaňzydypdyr. Bu sözleri eşiden Abdylla ibn Mübärek goňşusyna ýagşy dilegler edipdir. Oňa öňkisindenem has gowy seredipdir.
