Düýn Türkmenistanyň Magtymguly adyndaky Ýaşlar guramasynyň döredilen güni mynasybetli ýaşlaryň gatnaşmagynda «Arkadagly ýaşlar – maksatly menzillere tarap» atly «tegelek stoluň» başyndaky söhbetdeşlik ýazgy edildi. Aba Annaýew adyndaky Halkara atçylyk akademiýasynda geçirilen bu söhbetdeşligiň barşynda ýaşlaryň iri jemgyýetçilik guramasy bolan Türkmenistanyň Magtymguly adyndaky Ýaşlar guramasynyň alyp barýan işleri, aýratyn-da ýaş nesilleri watansöýüjilik ruhunda terbiýelemekde guramanyň ýerine ýetirýän işleriniň ähmiýeti dogrusynda buýsançly gürrüňleri etdiler hem-de Gahryman Arkadagymyza, Arkadagly Gahryman Serdarymyza ýaş nesilleriň bagtyýar şu güni ugrunda alyp barýan döwletli işleri üçin alkyş sözlerini aýtdylar.
Mämmedaly ORAZALIÝEW,
TMÝG-niň Arkadag şäheriniň
Geňeşiniň esasy hünärmeni.
