Berkarar döwletimiziň täze eýýamynyň Galkynyşy döwründe ýurdumyzda sportuň we bedenterbiýäniň köpçülikleýin häsiýete eýe bolmagy üçin uly işler durmuşa geçirilýär. Aýratyn hem, ýaş türgenlere uly üns berilýär. Çünki sport diňe bir saglygyň girewi hasaplanylman, eýsem, ýeňişli ýollaryň kepilini düzýär. Şeýle ýeňişleriň biride Balkan welaýatynyň Sport we ýaşlar syýasaty Baş müdirliginiň gurnamagyndaky 2008-2009-njy ýyllarda doglan oglanlaryň arasynda futzal boýunça Balkan welaýatynyň birinjiligi ugrundaky ýaryşa 5 sany toparyň gatnaşmagynda geçirildi. Çekeleşikli geçen duşuşyklara ýaş futzalçylar ukyp başarnyklaryny görkezip, barha kämilleşýändiklerini subut etdiler. Netijede 1-nji orna bolsa Serdar etrabynyň sport mekdebiniň türgenleri, 2-nji orna Bereket etrabynyň sport mekdebiniň türgenleri, 3-nji orna Serdar şäheriniň sport mekdebiniň türgenleri mynasyp bolmagy başardylar. Gyzgalaňly geçen bäsleşigiň dowamynda 12 pökgini derwezä salan Serdar etrap sport mekdebiniň türgeni 2008-nji ýylda doglan Ussaýew Döwlet ýaryşyň iň gowy oýunçysy diýen ada mynasyp boldy. Bäsleşigiň ahyrynda TMÝG-niň Balkan welaýatynyň Serdar etrap Geňeşi tarapyndan ýadygärlik sowgatlary gowşuryldy. Bäsleşigiň ahyrynda ýaş türgenler özleri üçin uly tagallalar edýän Gahryman Arkadagymyza, Arkadagly Serdarymyza alkyş sözlerini aýtdylar.
Nury NURYÝEW,
Türkmenistanyň Magtymguly adyndaky
Ýaşlar guramasynyň Serdar etrap
Geňeşiniň Başlygy.
