Golaýda şeýle şygar bilen, Türkmenistanyň Magtymguly adyndaky Ýaşlar guramasynyň Daşoguz welaýatynyň Saparmyrat Türkmenbaşy etrap Geňeşi etrap häkimligi, etrabyň jemgyýetçilik guramalary, etrap medeniýet bölümi bilen bilelikde, «Kejebe» toý mekanynda Halkara zenanlar güni mynasybetli, aýdym-sazly baýramçylyk dabarasyny geçirdi. Dabara edara-kärhanalarda, bilim we saglygy goraýyş ulgamynda zähmet çekýän zenanlar, mährem eneler gatnaşdylar. Dabarada etrabyň aýdym-saz we tans toparlary, çagalar sungat mekdebiniň okuwçylary joşgunly çykyşlary bilen, oňa gatnaşanlara ruhy lezzet paýladylar. Şeýle-de, baýramçylyk dabarasynda gutlag çykyşlaryna giň orun berildi. Oňa gatnaşanlar Gahryman Arkadagymyza, Arkadagly Gahryman Serdarymyza alkyş we hoşallyklaryny beýan etdiler.
Kuwwat GALPAKOW,
TMÝG-niň Daşoguz welaýatynyň S.Türkmenbaşy
etrap Geňeşiniň başlygy.
