Ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşi, 8-nji orta mekdebiň 4-nji synp okuwçylarynyň gatnaşmagynda “Muny kim başarar?!” atly şadyýan bäsleşik geçirdi. Bu çäre ýaşlaryň ugurtapyjylygyny hem-de başarnyk baýlyklaryny kämilleşdirmek maksady bilen geçirildi. Bäsleşik üç şertden: kim çalasyn – kim çakgan, muny diňe men başarýaryn, üm arkaly söhbetdeşlik şertlerinden ybarat boldy. Ýeňiş gazanan hem-de işjeň gatnaşan okuwçylara Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň ýadygärlik sowgatlary gowşuryldy.
