Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşi “Zehinli nesil” hojalyk jemgyýeti bilen bilelikde ýakynda bu HJ-niň Daşoguz şahamçasynyň diňleýjileriniň gatnaşmagynda, “Sport – saglygyň ýeňişli menzillerine tarap ýoldur” atly şygar astynda sportuň kiçi futbol görnüşi boýunça sport bäsleşigini geçirdi. Bäsleşik ýaşlary köpçülikleýin bedenterbiýä we sporta, sagdyn durmuş ýörelgelerine çekmek maksady bilen geçirildi. Bäsleşikde “Galkynyş” we “Bagtyýarlyk” toparlary özara ýaryşdylar. Çekeleşikli ýagdaýda geçen ýaryşda “Bagtyýarlyk” topary görnetin öňe saýlandy. Ýeňiş gazanan hem-de işjeň gatnaşan toparlara bäsleşigiň guramaçylary tarapyndan Kubok gowşuryldy.
